Ilse Roux

Ilse Roux is die stigter en hoofontwerper by Ilse Roux Bridal. Sy het op Malmesbury grootgeword en het ná skool aan die Universiteit van Stellenbosch studeer. Sy verwerf B. Sc, H.O.D, B. Ed (Cum Laude). Ná 11 jaar in die onderwys as Biologie-onderwyser, het sy haar eie besigheid begin. Sy is nou reeds twee dekades in die trou- en ontwerpersbedryf met vele toekennings agter haar naam. Ilse woon in Bellville, saam met haar man en twee kinders. Sy is leergierig en deel graag haar passie vir die Woord. Haar eerste boek, Bakens van geloof, is in 2023 vrygestel. Die Bybelse vas is haar tweede boek.