Lukas bou ’n superkar

Peti Troskie is nog altyd passievol oor stories en skryfwerk, selfs in die jare wat sy in die restaurant- en kosbedryf gewerk het. Sy het ʼn BA-graad in Engelse letterkunde en Afrikaans en Nederlands aan die Universiteit van Stellenbosch voltooi. Daarna voltooi sy ook ʼn honneursgraad in Engelse letterkunde aan die Universiteit van Suid-Afrika. Sy doen ook kursuswerk vir ’n Meestersgraad in Afrikaanse Letterkunde aan die Universiteit van Kaapstad. Benewens haar studies in die letterkunde het Peti by die Suid-Afrikaanse Kollege van Toegepaste Sielkunde ’n sertifikaat as traumaberader behaal. Tans is sy voltyds ma en deeltyds skrywer. Haar eerste kinderboek, Lukas bou ’n superkar, is in 2021 uitgegee en met ’n ATKV Kinderboektoekenning bekroon.